المساعد الشخصي الرقمي

مشاهدة النسخة كاملة : الفراخ المشوية بطريقة تكا



كريمان
09-19-2015, 05:23 PM
السلام عليكم ورحمة الله وبركاتة
زوار ومتابعين منتدانا الغالى "الوليد"
جيبالكم اليوم وصفة للفراخ المشوية بطريقة التكا
طريقه سهل وبسيطة وطعمها جمييييل

الفراخ المشوية بطريقة التكا


تجيبي الفرخة مثلا تقطعيها نصين وفي الورك والصدر تعملي تشريط كدة بالسكينة عشان تدخل فيها الخلطة
الخلطة بقى
معلقة بابريكا
معلقة كركم
معلقة توم بودر
معلقة بصل بودر
معلقة كزبرة ناشفة وناعمة
معلقة زعتر
معلقة ورق لوري مطحون
ملح
فلفل
كمون
معلقتين زيت
معلقة طماطم صلصة
عصر ليمونتين
كوب زبادي مهمة
وكل ده مع بعضه يتقلب وبعدين اتبل الفراخ كويس واسيبها في التتبيلة على رف التلاجة على الاقل 6 ساعات
وبعدين اسخن الفرن كويس واحط الفراخ على الشبكة وممكن احط صينية خضار مشكل ( بطاطس . كوسة . جزر . بسلة . فاصوليا . بصلة . ) واي خضار تحبيه تحت الشبكة ينزل من الخلطة والفراخ عليها وهيبقى طعمها حلو
او تحطي ورقة فويل تحت الشبكة عشان الدهون اللي تنزل والخلطة متنزلش على رف الفرن وتعمل دخان وابقى امسحيها باسفنجة اول باول
وتتابعيها
تقريبا تاخد ساعة في الفرن
الزبادي بيخليها متنشفش
وفي نفس الوقت بتبقى زي المشوية
وبالهنا والشفا