المساعد الشخصي الرقمي

مشاهدة النسخة كاملة : التخطيط للمستقبل



نسايم الجنه
08-23-2015, 08:40 AM
ازاي تخطط لمستقبلك




سؤال انت أحسن واحد يجاوب عليه




في طرق كتير تقدر تخطط بيها لحياتك الجاية وتوصل للي انت عايزه




في ناس عارفة ومحددة هي عايزة توصل لإيه

وفي ناس لسة مش عارفة أصلاً




هنتكلم هنا عن التخطيط لمستقبلك المهني




لو انت من الناس اللي لسة معرفتش عايزة توصل لإيه

جرب حاجات كتير

جرب حاجات مختلفة

بس اوعى الوقت يسرقك

حط لنفسك فترة معينة تخبط فيها وتدوس في أي حاجة تقابلك وتحسها ممكن تنفعك

ساعتها ممكن تلاقي أكتر من حاجة وتتلخبط أكتر


فتبدأ تفلتر بقا وتختار
ايه اللي انا هبقا مبسوط لما اشتغل فيه حتى لو هتعب عشان اتعلمه
ايه اللي انا بحبه كشغل اكمل فيه حياتي
وايه اللي بحبه برضو بس كهواية أو حاجة جانبية
ايه الصناعة اللي مهتم بالشغل فيها

طب خلاص بدأت اعرف عايز اوصل لإيه
ابدأ اجهز نفسي
أشوف ايه المطلوب عشان ابقا مؤهل للحاجة اللي اخترتها لنفسي وابقا مميز فيها
اشتغل على اللغة والشخصية واعلي نفسي على قد ما أقدر
اتطوع في أماكن كتير
اتعلم في أي مكان يفيدني في مجالي سواء بحضور إيفنتات أو ندوات أو عن طريق كورسات أونلاين
واسأل الناس اللي شغالة في المجال وعندها خبرة فيه واتعلم منهم

ازود شبكة علاقاتي في مجالي واثبت نفسي
اقدم في كل الشركات اللي قدامي ومواقع وشركات التوظيف على قد ما اقدر

ولما توصل للشغل اللي انت عايزه
ابدأ ميز نفسك فيه
اسأل واتعلم من كل الناس اللي معاك
استمتع بشغلك واعمله بإخلاص
حافظ على علاقتك مع زمايلك وساعدهم كل ما تقدر واتعلم طول عمرك ومتبخلش بعلمك على حد

الخلاصة
اعرف هدفك
اسعى عشان توصله
ولما توصله ميز نفسك فيه وحط أهداف أكبر واعلى

ومتنساش تحط نية في كل خطوة بتعملها وتفكر نفسك كل شوية بهدفك عشان متتوهش في الطريق

يزيد
08-26-2015, 07:00 PM
نصائح غالية، جزاك الله خيراً.
أظن أنها ستكون في ثوب أجمل لو كتبت باللغة العربية الفصحى.
ففي مدح اللسان العربي قال الله تعالى في كتابه: وَلَقَدْ نَعْلَمُ أَنَّهُمْ يَقُولُونَ إِنَّمَا يُعَلِّمُهُ بَشَرٌ لِسَانُ الَّذِي يُلْحِدُونَ إِلَيْهِ أَعْجَمِيٌّ وَهَذَا لِسَانٌ عَرَبِيٌّ مُبِينٌ { النحل:103}.
قال الإمام الشافعي في الرسالة (1/42-53) دار الكتب العلمية :
( ولسان العرب أوسع الألسنة مذهبا ، وأكثرها ألفاظا )
قال ابن تيمية رحمه الله: اعلم أنّ اعتياد اللغة يؤثر في العقلِ والخلقِ والدينِ تأثيراً قويّاً بيّناً، ويؤثر أيضاً في مشابهةِ صدرِ هذه الأمّةِ من الصحابةِ والتابعين، ومشابهتهم تزيد العقلَ والدينَ والخلقَ، وأيضاً فإنّ نفس اللغة العربية من الدين، ومعرفتها فرضٌ واجبٌ، فإنّ فهم الكتاب والسنّة فرضٌ، ولا يُفهم إلاّ بفهم اللغة العربية، وما لا يتمّ الواجب إلاّ به فهو واجب. اهـ

نسايم الجنه
08-26-2015, 10:59 PM
اشكرك وسوف احاول فيما بعد تحسين اللغه ليظهر الموضوع بشكل افضل
اسعدنى مرورك

يزيد
08-27-2015, 05:58 PM
أنت كاتبة متميزة، وفقك الله للمزيد من النفع.
غايتنا التعاون والتناصح وتحسين مضمون وشكل المنشورات حتى تكون في أفضل حلة وبمنهج علمي رصين وبلغة راقية.
سأكتب موضوعا في الأخطاء الشائعة إن شاء الله.

نسايم الجنه
09-03-2015, 09:31 PM
اشكرك واتقبل اى ملحوظه

ايناس محمود
09-25-2015, 10:04 PM
بارك الله فيكى...